الرئيسية المنتدى الطبخ من كل بلد طبخة شوربة عدس احمر ( تركية )

شوربة عدس احمر ( تركية )

تاريخ الانضمام:
تشرين الأول ٢٠١٠
 | مشاركات: ١٦٤٩
شوربة خفيفة وسريعة
المقادير
٧٥ غ عدس احمر
نصف لتر مي
١ بصلة مفرومة ناعم
١ ملعقة طعام زيت او سمنة
نصف ملعقة طعام صلصة البندورة او حبتين بندورة مقشرين
ملح وفلفل اسود حسب الذوق
ممكن للزينة نعنع مفروم او بقدونس مفروم

الطريقة

نحمر البصلة بالزيت ومنضيف صلصة البندورة ، العدس بعد ما منغسلو طبعا، الملح والمي ومنخليون على نار وسط ١٠ دقائق



نطحن الشوربة ومنرجع نغليا شوي على النار ممكن اضافة شوية مي اذا كانت جامدة
نسكبا وفينا نزينا بالفلفل الاسود



ممكن نزينا بالبقدونس او النعنع و شوية كريما

١-٧-٢٠١١، ٦:٢٨ ق.ظ


تاريخ الانضمام:
حزيران ٢٠١١
 | مشاركات: ١٠٥
يسلم ايدك رويدا شكلها كتير طيبةوبتشبه الشوربا اللي انا بسويها ومنزلتها بالمنتدى ان شاء الله صحتين بس تساويها لاتنسي تعزميني هه بس انا بدي خبز محمص على وجها هههههههههه شحادة ومشارطة
٥-٧-٢٠١١، ٨:١٥ ب.ظ


تاريخ الانضمام:
تشرين الأول ٢٠١٠
 | مشاركات: ١٦٤٩
تكرم عينك فراشة
انتي زوريني ولي بدك ياه بساويه
٥-٧-٢٠١١، ١:٥١ ق.ظ


تاريخ الانضمام:
تشرين الأول ٢٠٠٩
 | مشاركات: ١٥٩
تسلم دياتك يا روحي، شكلها بيجوع، عادة نحنا ما بنحط دبس بندورة.
بس أنا شايفتها طيبة. راح جربها.
يعطيكي العافية.
٥-٧-٢٠١١، ٢:٤٩ ق.ظ


تاريخ الانضمام:
تشرين الأول ٢٠١٠
 | مشاركات: ١٦٤٩
يا هلا بدلوعة
انا كمان ما بستعمل مية البندورة بشوربة العدس بس هيدي جربتا وفعلا عجبتني ولقيتا خفيفة حتى بتناسب الصيام
يا رب تعجبك ودعيلي لما بتكوني صايمة دعوة الصايم مستجابة
٥-٧-٢٠١١، ٣:٣١ ق.ظ


تاريخ الانضمام:
شباط ٢٠١١
 | مشاركات: ٥٠٣
كيفك ياحلو
تعرفي اني اعمل هالطبق من زمان بس مو عارفة انو طبق تركي

اشكرك ع المعلومة المفيدة حتى لما اعملو المرة الجاية بقول هذا طبق مستورد
٥-٧-٢٠١١، ١٠:٢٨ ق.ظ


تاريخ الانضمام:
تشرين الأول ٢٠١٠
 | مشاركات: ١٦٤٩
نورتي غصون
شو في عنا منو مستورد ؟
٦-٧-٢٠١١، ٥:٥٢ ب.ظ


آخر الحوارات
شات شهية للجميع
اضيف مؤخرا في منتدى الطبخ
شكرا اخي حمودي المزيد
شهية شات
اضيف مؤخرا في منتدى الطبخ
كلمة شكرا لا تكفي للتعبير ولكن لا نملك سواها
فــشــــــــكــرا
المزيد
وصفات رمضان | كبة البطاطس
اضيف مؤخرا في منتدى الطبخ
أني اسمي لجين من العراق اسكن في بغداد المزيد
يلا ندردش زي زمان
اضيف مؤخرا في منتدى الطبخ
شكرا اخي على الكلام الجميل
الله يوفقك
المزيد
موضوع رائع المزيد
الرجاء المساعدة
اضيف مؤخرا في منتدى الطبخ
طريقة أخرى:-
.
المقادير:-
- بياض 4 بيضات
- ربع كوب سكر ناعم
- كوب ونص سكر بودر
- كوب لوز مطحون ناعم
- صبغة طعام حسب
المزيد
آخر الصور المضافة