السلام عليكم اخوتى فى الله
انا طولى 165 ووزنى65 عندى 25 سنه بتبع نظام غذائى وعايزه اوصل 59
بس المشكله انى بنزل كيلوواحد وبزيده تانى ومشكلتى فى الكرش بطنى مش ماشيه مع جسمى خالص المهم مش عايزه اطول عليكم انا هقولكم نظامى وتعرفونى ايه الغلطه اللى فيه
فطارى 2 توست رجيم+2بيضه او جبنه نستو لايت او جبن فيتا لايت او5 معالق فول بلمون فقط +مشروب حارق للدهون هكتبه اخر الموضوع

غداء ربع فرخه من غير جلد او2قطعه لحم اوربع كيلو سمك مشوى او تونه مصفاه من زيت+سلطه او شوربه خضار+ربع رغيف اسمر او 1توست دايت او 7معاق ارز او 7معالق مكرونه او 7صوابع محشى

عشاء اوقات بكتفى ب1توست وقطعه نستو لايت اووحده جريب فروت اوقات مبتعشاش خالص

لما بجوع بين الوجبات باكل جزر او خيار او حبه جريب فروت او كوب عصير سيزر جريب فروت بدون سكر

مشروب الحارق بشربه مره وحده فى اليوم جنزبيل+قرفه+بذر كتان+كمون حصى+شاى اخضر+نعناع بغيهم على النار وبحليهم اما بمعلقه عسل ابيض او معلقتين سكر رجيم

بونجور ابتسامه هاجيجا اهلا بحضرتك .
انا بشوف الاكل صحي الي كاتبتيه بس عندي تعليق على الفطور فيكي تشربي مع البيض كريب فروت لأنه مع البيض بيحرق الشحوم .
كرمال وزنك الي تخسريه و ترجعي تسترديه هيدا لأنك عم ترجعي تلخبطي بالاكل .
و المشروب الحارق روعة.

مشكوره حبيبتى على الاهتمام والرد
بحاول اكل اكل صحى ومفيش دهون كتير
بس فعلا مفيش اى نتيجه خالص
رغم انى ببذل ممجهود جامد فشغلى واقفه طول الوقت مع الحركه
وبرده مفيش فايده
واضح ان جسمى مبيستجبش للرجيم مش هيقل عن كده بس المشكله انى قابله للزياده

حبيت أضيف انه لو انتي بآلك مدة بتعملي رجيم فالجسم لما بيفقد حوالي 10% من نسبة الدهون (نسبة الدهون و ليس الوزن) بيدخل في مرحله اسمها البلاتو plateau خاصة لو انتي بتعملي ريجيم من غير رياضه الفتره دي قد تطول أو تقصر بتكون في المتوسط 6 شهور تقدري تقولي الجسم بيعلن احتجاجه على النقص و بيحاول بشتى الطرق الحفاظ على نسبة الدهون اللي فيه بعد الست شور بيرجع الوزن ينزل تاني طبيعي. طيب هل دايما انتي مضطره انك تستني 6 شهور عشان يرجع وزنك ينزل؟ مش ضروري أحيانا ممكن انك تحاربي المده دي بإنك تزيدي من التمارين الرياضيه مع شرب كميات كبيره من الميه و تقليل نسبة الصوديوم (قللي الملح) و ان شاء الله بيرجع وزنك ينزل، أما إذا كني مش حتقدري تعملي كده فبرضه مش مشكله لأن الوزن في مرحلة البلاتو بإذن الله مش بيزيد بل بيكون ثابت و ده أهم علامات المرحله دي يعني لو انتي وزنك بيزيد لو زودتي أكلك حبه يبأى انتي مش بتمري بالمرحله دي. أرجو أكون أفدتك

حبيبتى ابتسامة هاجيجا فى وقت احنا بناكل اكلنا اللى تعودنا علية فلما بنقلل الاكل دة الوزن بينزل .انما لما بنستمر فترة طويلة على نفس الاكل فالجسم بيعمل لنفسة مناعة او بيتعود على الكمية الجديدة الصغيرة وبيفضل ثابت
اما علشان تخسرى وزن اما تقللى كمية الاكل اكتر ةهدا شىء صعب لانك بتاكلى كميات صغيرة اصلا
او انك تزودى مجهودك بلعب رياضة او انك تمشى 1ساعة يوميا مع شفط البطن بيجيب نتيجة حلوة انا بعمل كدة
ارجو ان اكون ساعدتك